ခွင့်ပြုချက် မရဘဲ အယ်ဖြူနဲ့ အယ်နောင်းတို့ရဲ့ သီချင်းများကို သုံးစွဲခွင့်ပြုမည် မဟုတ်

Share ရန်


“The Voice Myanmar Season 3” မှာ အယ်ဖြူ ရေးသားထားတဲ့ “လေလွင့်လူ” ဆိုတဲ့ သီချင်းကို ခွင့်ပြုချက် မတောင်းဘဲ သီဆိုယှဉ်ပြိုင်ခဲ့တဲ့အပေါ် နောက်ထပ် ဒီလိုထပ်မံ မဖြစ်စေရန် ဘယ်သီချင်းကိုမှ မိသားစု ခွင့်ပြုချက် မရှိဘဲ သီဆိုခွင့်ပြုတော့မှာ မဟုတ်ဘူးလို့ အယ်နောင်းက အသိပေးထားပါတယ်။

Mus4 1

“သီချင်း အသုံးပြုခွင့်နဲ့ ပတ်သက်လို့ တရားဝင် မတားထားရင် ခွင့်ပြုတယ်ဆိုတဲ့ သဘောမို့ သုံးနေကြတာလို့ နားလည်တဲ့သူ တယောက်က ရှင်းပြလို့ သိရပါတယ်။ ကိုအယ်ဖြူနဲ့ ကျနော့် သီချင်းတွေကို မိသားစု ခွင့်ပြုချက် မရဘဲ သုံးစွဲခွင့်ပြုတော့မည် မဟုတ်ဘဲ နားလည်တဲ့ ရှေ့နေနဲ့ တိုင်ပင်ပြီး သတင်းစာမှ ကြေညာသွားပါ့မယ်” လို့ အယ်နောင်းက ပြောပါတယ်။

Mus2

မကြာခင်မှာလည်း တေးသီချင်း သုံးစွဲခွင့်နဲ့ ပတ်သက်ပြီး ရှေ့နေနှင့် တိုင်ပင်ကာ သတင်းစာမှတဆင့် ကြေညာပေးသွားမယ်လို့ သိရပါတယ်။

Mus3

ကိုအယ်ဖြူ သီချင်းနဲ့ ပတ်သက်ပြီး သူ့သီချင်း မူလ အဆိုရှင်က ဘယ်လိုဆိုဆို ခွင့်ပြုချက် ယူစရာမလိုပါ။ ကိုလေးဖြူ၊ ကိုအယ်ဖြူ တို့ဖန်တီးထားတဲ့ “လေလွင့်လူ” သီချင်းကို ဖုန်တက်နေလို့ ဆိုပြီး ခဏခဏ အဝတ်စုတ်နဲ့ မသုတ်ကြပါနဲ့။ အမြဲ တောက်ပနေတဲ့ ရတနာပါ။ ဒါကိုလည်း သတိပြု ပေးကြပါလို့ အယ်နောင်းက ဆိုပါတယ်။

Mus

ဒီအကြောင်းအရာတွေကိုတော့ အယ်နောင်းက သူ့ရဲ့ လူမှုကွန်ရက် Facebook အကောင့်မှာ ရေးသားကာ အသိပေး ပြောထားတာ ဖြစ်ပါတယ်။

နိုဝင်ဘာလ ၂၂ရက်နေ့ညမှာ ပြသခဲ့တဲ့ The Voice Myanmar Season 3 ရဲ့ “The Knockouts” Round မှာ ပြိုင်ပွဲဝင် နော်ဇာလီက အဆိုပါ “လေလွင့်လူ” သီချင်းနဲ့ သီဆိုယှဉ်ပြိုင်ခဲ့တာ ဖြစ်ပါတယ်။ ပြီးခဲ့တဲ့ Blind Audition မှာလည်း “မင်းရက်စက်တယ်” သီချင်းနဲ့ ပြိုင်ပွဲဝင်ခဲ့တဲ့အပေါ်မှာလည်း ကန့်ကွက်ခဲ့ပေမယ့် ယခုအခါ ထပ်မံဖြစ်ပေါ်ခဲ့တာ ဖြစ်ပါတယ်။

ဒါ့အပြင် ဒီပြိုင်ပွဲမှာ တခြားသော အနုပညာရှင်များရဲ့ သီချင်းများကို ခွင့်ပြုချက် မတောင်းဘဲ သီဆိုခဲ့တာကြောင့်လည်း ပြောဆိုမှုများ ရှိခဲ့ပါတယ်။
Source: The Irrawaddy

Share ရန်
Daiwee

Daiwee

Hello! I'm Daiwee. I enjoy the writing content and translating the language. I also enjoy participation dances. More seriously, my friends describe me as easy going, a good listener.

ဆက်စပ်သတင်းများ